Ymunwch â ni yn ystod yr Wythnos Addysg Oedolion wrth i ni roi ffocws ar sgiliau hanfodol oedolion.
Sgiliau sylfaenol isel mewn llythrennedd neu rifedd sydd gan bron un mewn tri oedolyn ar draws economïau’r OECD. Dengys adroddiad Navigating Life with Low Literacy and Numeracy yr OECD fod hon yn fwy na phroblem addysg yn unig, mae hefyd yn her fawr i gyflogaeth, hyder, cyfranogiad dinesig a chyfiawnder cymdeithasol.
Bydd hon yn drafodaeth amserol ar yr hyn mae’r canfyddiadau yma’n ei olygu i Gymru. Byddwn yn ymchwilio pam mai’r oedolion gyda’r angen mwyaf yw’r lleiaf tebygol yn aml i gael mynediad i ddysgu, a sut y gall perthynas o ymddiriedaeth gyda chyflogwyr, undebau llafur, mudiadau cymunedol, gwasanaethau ieuenctid a gwasanaethau cymdeithasol helpu i gyrraedd pobl na fyddai efallai yn dod ymlaen ar eu pen eu hunain.
Bydd y digwyddiad yn ystyried gwahanol broffiliau sgiliau isel a ddynodir yn yr adroddiad ac yn ystyried y goblygiadau ar gyfer darpariaeth addysg oedolion yng Nghymru.
Bydd y sesiwn o ddiddordeb i wneuthurwyr polisi, darparwyr addysg oedolion, cyflogwyr, mudiadau cymunedol, undebau llafur, ymchwilwyr ac unrhyw un sydd ag ymroddiad i gryfhau sgiliau sylfaenol yng Nghymru.
Bydd panel o arbenigwyr ac awdur yr adroddiad, Anja Meierkord o’r OECD, yn ymuno â ni.
Gofynnir i chi gadarnhau os byddwch yn bresennol drwy lenwi’r ffurflen gofrestru yn y ddolen islaw os gwelwch yn dda.
Ymunwch i ni i drafod yr hyn a ddywed y dystiolaeth wrthym, beth sy’n gweithio eisoes a’r hyn y gall Cymru ei wneud nesaf i sicrhau na chaiff oedolion gyda llythrennedd a rhifedd isel eu gadael ar ôl.
Gofynnir i chi gadarnhau os byddwch yn bresennol drwy lenwi’r ffurflen gofrestru yn y ddolen islaw os gwelwch yn dda:
