Ymunwch â ni yn yr Wythnos Addysg Oedolion ar gyfer lansio’r Teclyn Ymgysylltu â Dysgwyr ar gyfer Dysgu Oedolion yn y Gymuned. Byddwn hefyd yn rhannu canfyddiadau o’n prosiect fforwm llais dysgwyr ac yn trafod sut i roi dysgwyr wrth galon dysgu oedolion yn y gymuned.
Yn seiliedig ar waith diweddar gan y Sefydliad Dysgu a Gwaith ar gyfer Medr, bydd y digwyddiad yn ymchwilio’r hyn a ddywedodd oedolion sy’n ddysgwyr wrthym am eu cymhellion i ddysgu, y rhwystrau sy’n eu hwynebu, effaith dysgu ar hyder, llesiant a chynnydd, a pha gefnogaeth sydd ei angen ar gyfer y dyfodol.
Byddwn hefyd yn lansio’r Teclyn Ymgysylltu â Dysgwyr – Teclyn Hunanwerthuso a Chynllunio Gweithredu newydd ar gyfer Ymgysylltu â Dysgwyr mewn Dysgu Oedolion yn y Gymuned.
Wedi ei ddatblygu gyda darparwyr dysgu oedolion yn y gymuned ledled Cymru, cynlluniwyd y Teclyn i helpu darparwyr ystyried arfer cyfredol, cryfhau llais ac ymgyfraniad dysgwyr a dynodi camau gweithredu ymarferol i ymwreiddio ymgysylltu ystyrlon â dysgwyr wrth wneud penderfyniadau.
Yn y lansiad, byddwn yn cyflwyno’r Teclyn, ymchwilio sut mae’n cefnogi cyflwyno Cod Medr ar Ymgysylltu â Dysgwyr ac yn rhannu sut y gall darparwyr ei ddefnyddio i gefnogi gwelliant parhaus.
Caiff y digwyddiad ei gadeirio gan James Owen, Prif Weithredwr Medr, a bydd yn cynnwys cyfraniadau gan ddysgwyr a darparwyr a fu’n rhan o’r prosiect.
Gobeithiwn y gallwch ymuno â ni i ganfod mwy a thrafod sut y gall y Teclyn gefnogi ymgysylltu cryfach a mwy cynhwysol â dysgwyr ar draws dysgu oedolion yn y gymuned yng Nghymru.
Gofynnir i chi gadarnhau os byddwch yn bresennol drwy lenwi’r ffurflen gofrestru yn y ddolen islaw os gwelwch yn dda:
