Cafodd offeryn partneriaethau Dysgu Oedolion yn y Gymuned ei gomisiynu gan Lywodraeth Cymru a’i gynhyrchu ar y cyd gan y Sefydliad Dysgu a Gwaith a Phartneriaethau lleol Dysgu Oedolion yn y Gymuned gyda mewnbwn gan randdeiliaid cenedlaethol yn cynnwys Llywodraeth Cymru, Estyn, Addysg Oedolion Cymru, ColegauCymru, Gyrfa Cymru a Holex.

Cynlluniwyd yr offeryn i gefnogi Partneriaethau Dysgu Oedolion yn y Gymuned ledled Cymru i gydweithio’n fwy effeithlon. Mae’n rhoi fframwaith wedi ei strwythuro ar gyfer cynllunio, adolygu a gwella eu harferion cydweithio..

Mae’r buddion allweddol yn cynnwys

• Dynodi meysydd i gael eu gwella: Manylu ar gyfleoedd i wella arferion cydweithio.
• Mapio cydweithio cyfredol: Deall sut mae Partneriaethau Dysgu Oedolion yn y Gymuned yn cydlynu eu gweithgareddau, yn strategol a hefyd yn weithredol, ar hyn o bryd.
• Rhoi dull gweithredu cyson: Manteisio o fodel safonol y gellir ei weithredu ledled Cymru tra’n dal i adlewyrchu gwahaniaethau lleol a rhanbarthol

Mae’r offeryn yn defnyddio tystiolaeth a gwybodaeth o

• adolygiad cyflym o dystiolaeth ar arfer cyfredol yng ngwaith y partneriaethau yng Nghymru a modelau partneriaeth Dysgu Oedolion yn y Gymuned eraill o bob rhan o’r Deyrnas Unedig ac yn rhyngwladol
• chwe cyfweliad cwmpasu gyda rhanddeiliaid strategol cenedlaethol a gynigiodd amrywiaeth o safbwyntiau ar gryfderau a heriau cyfredol y partneriaethau,
• cyfweliadau manwl gyda phum partneriaeth leol a ddewiswyd i ddangos amrywiaeth o ymarfer sy’n esblygu mewn gweithio partneriaethau Dysgu Oedolion yn y Gymuned
• gweithdy wyneb yn wyneb ar gyfer partneriaethau a rhanddeiliaid, i adolygu a datblygu’r offeryn
• dau gyfarfod o grŵp ymgynghori strategol y prosiect.
  

Rhannwyd yr adnodd yn brif maes sy’n adlewyrchu themâu lefel uchel o ymarfer partneriaethau Dysgu Oedolion yn y Gymuned