Mae’r Sefydliad Dysgu a Gwaith heddiw wedi cyhoeddi penodiad Richard Spear fel Cadeirydd ei Grŵp Strategaeth Cymru ac Ymddiriedolydd Dysgu a Gwaith.

Bydd Richard yn helpu I roi arweinyddiaeth strategol a gwybodaeth ar gyfer gwaith Dysgu a Gwaith yng Nghymru ac ychwanegu llais o Gymru at waith Dysgu a Gwaith ar draws y Deyrnas Unedig. Bydd yn olynu Jeff Greenidge a arweiniodd y grŵp am dros ddegawd, gan helpu i sicrhau bod dysgu gydol oes a gwaith gwell yn ganolog i bolisi yng Nghymru.

Daw Richard â chyfoeth o brofiad i’r swydd gyda 25 mlynedd o brofiad mewn addysg a hyfforddiant a bu ganddo swyddi uwch o fewn y sector cyhoeddus, y sector preifat a’r trydydd sector, yn cynnwys Pennaeth Cyllid Rhaglen ar gyfer Llywodraeth Cymru, Cyfarwyddwr Sefydliad Cenedlaethol Addysg Barhaus i Oedolion, Prif Weithredwr Gyrfa Cymru, Rheolwr Cyfarwyddwr ACT Training a Chadeirydd ALS Training.

Bu Richard yn aelod o nifer o bwyllgorau addysg a hyfforddiant allweddol a bu’n gadeirydd Panel Cymru y Gwasanaeth Gwella Dysgu a Sgiliau a’r Cytgord Cyffredin Credyd ar gyfer Cymru. Bu’n aelod o fwrdd Agored Cymru, YMCA Community College Cyf, Careers Choice Dewis Gyrfa Cyf ac ar hyn o bryd mae’n aelod o fwrdd ACT Cyf, ALS Cyf a Ffederasiwn Hyfforddiant Cenedlaethol Cymru.

Wrth siarad ar ei benodiad, dywedodd Richard:

“Rwyf wrth fy modd i ymuno â bwrdd y Sefydliad Dysgu a Gwaith ac i gadeirio Grŵp Strategaeth Cymru. Fel eiriolwr angerddol dros gydol gyfoes oes, rwy’n edrych ymlaen at gyfrannu at weledigaeth y Sefydliad ar gyfer cymdeithas lewyrchus a theg lle mae dysgu a gwaith yn rhoi cyfleoedd i bawb i wireddu eu potensial.”

Ychwanegodd Joshua Miles, Cyfarwyddwr Cymru y Sefydliad Dysgu a Gwaith:

“Rwy’n edrych ymlaen at weithio gyda Richard wrth lunio ein gweithgaredd yng Nghymru, gyda golwg at gyflawni ein nodau uchelgeisiol fel sefydliad gyda ffocws ar ddysgu gydol oes a gwaith gwell. Gydag etholiad 2026 i Senedd Cymru yn agosáu’n gyflym, mae gennym gyfle enfawr fel sefydliad i lunio’r agenda polisi a gwella bywydau pobl Cymru.”

Dywedodd Jeremy Moore, Cadeirydd a Llywydd y Sefydliad Dysgu a Gwaith:

“Rwy’n falch iawn i groesawu Richard i fwrdd Dysgu a Gwaith. Mae ganddo lawer iawn o brofiad a gwybodaeth am addysg a hyfforddiant yng Nghymru ac ymroddiad dwfn i ddarparu cyfleoedd i bawb yn ein cymdeithas i weithio a dysgu drwy gydol oes a gwireddu eu huchelgais. Rwy’n edrych ymlaen yn fawr at weithio gydag ef.wirioneddol wrando ar ddysgwyr yn eu holl amrywiaeth. Wedi’r cyfan, mae’r cwricwlwm yn eiddo iddyn nhw!

Richard yw Rheolwr Gyfarwyddwr ACT Training, Cadeirydd ALS Training ac Uwch Ddeiliad Swydd y rhiant gorff Grŵp Coleg Caerdydd a’r Fro (CAVC). Mae ganddo 27 mlynedd o brofiad mewn addysg a hyfforddiant a bu ganddo swyddi uwch yn y sector cyhoeddus, y sector preifat a’r trydydd sector, yn cynnwys Pennaeth Cyllid Rhaglen ar gyfer Addysg Ôl-16 a Hyfforddiant Llywodraeth Cymru, Cyfarwyddwr Cymru a Chynllunio Strategol yn y Sefydliad Cenedlaethol Addysg Barhaus i Oedolion (NIACE) a Phrif Weithredwr Gyrfa Cymru. Mae Richard yn aelod o fwrdd Ffederasiwn Hyfforddiant Cenedlaethol Cymru (NTFW) ac elusen atal ysmygu ASH Cymru. Bu’n aelod nifer o bwyllgorau addysg a hyfforddiant allweddol ac yn gadeirydd Panel Cymru y Gwasanaeth Gwella Sgiliau (LSIS) a Chytundeb Cyffredin Credyd Cymru, By hefyd yn aelod o fwrdd Agored Cymru, Coleg Cymunedol YMCA Cyf a Careers Choices Dewis Gyrfa Cyf. Yn ACT, ac o fewn cyd-destun blaenoriaethau strategol Grŵp CAVC, mae Richard yn gyfrifol am osod cyfeiriad strategol a pherfformiad cyffredinol y sefydliad.